Prism hian vawiin khan Upper Republic-a an pawl Pisa-ah inthlan an thlir let a, a kaihruaitu an pawl President, Pu Vanlalruata chuan, an Party chu hmabak eng tak a nei a ni tih sawiin, Mizoram siam\ha tur leh Mizo Hnam tungding turin PRISM Party bak a awm lo tih mipuiin an pawm chho zel a ni, a ti a. Political party zingah an Party chu an \ha ber a, mahse an late an tih \hin chu inthlan leha a awm tawh loh nan an kalphung siam\hain Party lianah an insiam chho thuai dawn a. Inthlan leh hunah chuan Ram leh Hnam tan an dingchhuak tawh dawn a ni, a ti.
Prism MP Candidate, Pu TBC Lalvenchhunga pawhin, amah vote tute chungah lawmthu a sawi a. Mi tam takin kalphung pangngaiin ruling candidate leh tling tura an rin an vote a, chutiang a nih laia a tlin ring lo chuanga vote tu \hahnem tak an awm chu a lawm hle tih a sawi. PRISM Party hian mipui zara nasa taka hma an sawn chu lawmawm an tih thu an sawi a, nikum kumtawp maia MLA inthlanaa an vote hmuh let sawm aia tam Man hmu chu an Party tan hmasawnna nasa tak a ni tih an sawi a ni.
