Vawiina an Party chhung inkhawmah Pu Vanlalruata chuan, sorkarin hna a thawh \annaah kawngpui siam lama \an a la chu thil \ha takah an Party chuan a ngai tih sawiin, hetih mek lai hian hnathawh tur pekchhuah kawngah Chief Minister chu a Minister leh MLA te bial chhunga hna chhuakah pawh a inrawlh zelah a puh a, Pu Zoramthanga chu eiruk thubuai rip tak nei lai, nakin lawka lung ina tang tur a nih leh nghal avangin a eiruk thubuai rem anih hma hian fimkhur takin, a hmingchhiatna tur khuh tura \ha taka hna thawh nachang a hriat a ngai a ni, a ti.
Pu Vanlalruata chuan, dik leh fel taka rorel Mizoramin a mamawh tih sawiin, Rua hmanga Mizoram intodelh tura \an lakna turah pawh a chi supply tu tur thlang tura tender pawh chhuah a la nih hmaa Assembly House-a a supply tu turte monu damloh thu Chief Minister in a sawi kha thilmak leh dik lo tak a ni a, Chief Minister chu a fimkhur loh chuan thubuai dang a neih belh thei a, a tan a tha lo ni mai lovin Ram leh Hnam tan mualphona a thlen theih avangin a thil tihna kawngah fimkhur se a duh tih a sawi.
