Prism President, Pu Vanlalruata’n Mizoram larsap thar, Pu Kummanam Rajasekharan-an Mizoram a chhuahsan theih nana an hmalakna chu pawl dangin thlawp lo mah se a tawp thlenga an kalpui tur thu Zonet a hrilh. Larsap thar an duh loh chhan ber chu tun hma lama Kristian tiduhdahnaa lo inhnamhnawih a nih avang nia sawiin, Mizoram chu Kristian ram a nih avangin hetiang mi hi Mizorama awm tura an duh loh thu a sawi. Pu Vanlalruata chuan, larsap thar chu Poltics-a inhmang lai a ni tih sawiin, Keral-a BJP President ni mek a ni a, hetiang Poltics-a inhnamhnawihna nei lai hi tunhma chuan Larsap atan ruat an la ni ngai lo nia sawiin, tun hnai lawkah Karnataka-ah Larsap vangin Politics harsatna a thleng a, Delhi-ah pawh Lt. Governor avangin Delhi-a Sorkar lai Aam Admi Party-in nasa takin harsatna an tawk nia sawiin, tuna Mizoram Larsap chu BJP a inhmang lai a nih avangin hetiang harsatna hi Mizoramin a tawh ve an hlauh tih a sawi. Puan tawh angin Prism party chuan, Mizoram larsap thar, Pu Kummanam Rajasekharan chu Mizo mipui tam zawkin an duh lo nia sawiin, a ban theih nan an pawl chuan hmalak an tum tih an lo sawi tawh a. Hemi atana an hmalakna hi thlawp \heuh turin Mizo mipui zawng zawng an sawm a. June ni 11 khian President hnenah Mizoram Larsap chu lachhuak tura ngenna an thlen dawn tih sawiin, an thilphut thlawpna tilang tur hian Mizo mipui zawng zawng an sawm a. President hnena ngenna an thehluh tur lehkha chu ningani a\ang khan online hmanga thlawpna tihlan theih tura chhawpchhuah a nih thu leh karleh thawh\an hian signature campaign an nei dawn a, chhun dar 12-ah Vanapa Hall tualah \an dawn a ni dawn tih an sawi. Prism Party hian Larsap thar, Pu Kummanam Rajasekharan chu danpui kalha sakhaw zalenna dotu nia sawiin, Mizorama awm tura an duh loh thu an lo sawi tawh a. Mizoram a\anga chhuah theih nan kohhran, political party leh pawl hrang hrangte hmalakpuiah a lo sawm tawh a ni.
