Tihar Jail-a tangten dan phal loha mi an bepawp tur ven nana technology an neih lai leh state sorkar enkawl C-DOT te chu prototype jammer-a ti-changtlung turin Delhi High Court chu a hriattir a ni.
Lung in-a tangte pawisa inchhuhsak leh, damdawi in inpek ruk te, mobile phone leh phal loh thildanga a ruka inpek kawngah Jail thuneitute an inhnamhnawih nia puhna, Public Interest Litigation chu Court hian a ngaihtuah a, jail thuneitute chu lung in tangte ran anga maia tiduhdahah puh an ni bawk. Court chuan judge pakhat enfiah turin a ti a, judge hian phal loh thil chi hrang hrang tan in chhunga a hmuh thu court chu hrilhin jail enkawltute pawh an inhnamhnawih tih a hrilh bawk.
He thubuai hi Thawhlehni khan Chief Justice DN Patel leh Justice C Hari Shankar ten an ngaihtuah a, Delhi sorkar aiawha ding Rahul Mehra chuan lung in enkawltute chu hremna pek an ni tawh tih court chu a hrilh a ni.
