Congress MLA te hi ‘mipui rorelna humhim rawh’ tiin an auva, BJP chu state hrang hranga eptu MLA te thlema mipui rorelna rapbet-ah an puh a ni.
Congress hruaitu, Gaurav Gogoi chuan BJP chu ram hmasawnna tur leh intodelhna tur lam ngaihtuah lova thlantlin an nihna apiangah mipui rorelna tih chhiat tumah a puh a ni.
Nilaini khan Goa Congress MLA 10 a\anga 15 vel chu Congress a\anga chhuakin rorel lai BJP party an zawm a ni.
Thla kaltaah pawh khan Telangana-ah Congress chuan hetiang buaina hi an lo tawk tawh a, MLA 18 zinga 12 te chuan sorkar lai, Telangana Rastra Samithi party an zawm a ni.
Sorkarna an chan loh hnua, hun pawimawh lai berah Congress chuan harsatna lian tham tak a hmachhawn mek a, ram pumah seat 52 chauh la-in, State 17-ah an tling zo lova, seat an lakna State \henkhatah te pawh zawi zawiin an keh chhe mek a ni.
Hetihlai hian Congress President, Rahul Gandhi chuan hruaitu thar hnuaiah a bul\hut a\anga intuaitharna Congress chuan a mamawh tih a sawi a, hruaitu thar atan chuan Gandhi thlah ni tawh lo se a duh thu a sawi lang bawk.
