Rajdhani rela chuangte chu hrai ruih an nih hnuah an pawisa a bo

Mumbai atanga Delhi pan, Rajdhani rela chuangte chuan engemaw hmanga hrai ruih an nih hnuah an tangka, cheng nuai 12 vel a bo niin an sawi a, he rel, August Kranti Rajdhani an tiha he thil thlenna hmun hi Delhi-a Nizamuddin Railway station niin an sawi a, he relin tukina Delhi a thlen veleh an chunga thil thleng hi khualzinte hian thuneitute hnenah an thlen nghal a ni. Khualzin pakhat chuan tangkafai leh a thil neih dang, Rs. 50,000 hu vel a hloh niin a sawi a, he rel pindan 7 velah misualte hi an che niin a sawi. Khualzin pakhat chuan, mak tak maiin an mu nghet em em vek niin a sawi a, an harh chuan an thil neih tam tak a bo tih an hria a, rela thawkte an koh pawhin awmzia a nei lo niin an sawi. Railway Police Force chuan, vanduaina tawk hi mi 6 vel niin an sawi a, FIR thehluh a nih tur thu an sawi. April thla pawh khan Delhi-Patna Rajdhani Express rel chu Bihar-ah suam a ni tawh bawk a, khualzinte muthilh hlanin tangka leh tlereuh, cheng nuai tam tak man ruksak an ni.