Kum 1984-a kum 40 mi chauh ni-a Prime Minister nihna chelhtu Rajiv Gandhi hi 1991 khan Tamil Nadu-a vantlang inkhawmah Sri Lanka-a inlak hran duh pawl Liberation Tigers of Tamil Eelam mi, nu pakhatin thihchilh bomb hmangin a nunna laksak a, a thih ni hi mifirfiak te do ni, Anti-terrorism day-ah hman a ni bawk.
Congress president, Rahul Gandhi, UPA chairperson Sonia Gandhi leh party general secretary Priyanka Gandhi te’n Veer Bhumi-ah Rajiv Gandhi zahna lantirin hun an hmang a, Gandhi chhungkua bakah hian PM hlui Manmohan Singh leh president hlui Pranab Mukherjee tiamin party hruaitu hlun te’n he hun hi an hmang bawk.
Rahul Gandhi chuan a pa chu mi nun nem, hmangaihna ngah tak a nih thu leh thil nung reng reng hmangaiha zah tura amah zirtirtu a ni a ti a, tumah haw lova ngaidam zel turin a zirtir \hin tih a sawiin a ngai hle tih a sawi a, a thih champha-ah hian a zirtirna te avangin a chungah lawmthu a sawi nawn tih a sawi. West Bengal CM Mamata Banerjee leh Congress hotu Sam Pitroda te pawhin Rajiv Gandhi zahna lantirin an hriatreng tur thu an sawi bawk.
A campaign-na-a Rajiv Gandhi bei zawnga a \awng vanga eptu pawl te’n an dem, PM Modi pawhin Rajiv Gandhi-a zahna hi a lantir a ni.
