Rajya Sabha rorel inkhawm chu engmah rorel thei lovin chawhnu dar 2 thleng khan tihtawp leh a ni a, Congress kaihhruai eptu member te chu an thil phut chi hrang hrang auchhuahpuiin an au beng chheng a, an lungawi lohna chhan zingah SC/ST Atrocities Act chu a langsar ber a ni. Chairman M Venkaiah Naidu chuan march ni 5 a\ang tawha rorel thei lova house chhunga inauhbuaina a thleng zel chu mipui rorelna Democracy rahbehna a ni a ti. Member thar 12 te lakluh an nih rualin, eptu member te hi house chhung laili ah chhuak khawmin thuziak chi hrang hrangte kengin an aurual a, Congress leh BSP member te chuan Scheduled Castes and Tribes (Prevention of Atrocities) Act, tih dal an duh loh thu an au chhuahpui a, DMK leh AIADMK te chuan Tamil Nadu leh Karnataka te tui insem dan tur relfeltu tur Cauvery Water Management Board din an ngiat thu an auchhuahpui bawk a ni.
Chanchin Thar Rajya Sabha rorel inkhawm-ah inaubuai leh, inkhawm titawp
