Rakhine buaina chhuah khan Rohingya mi, 6,700 vel thah an niin MSF-in sawi

Myanmar rama Rakhine biala buaina a chhuah khan, thla khat chhungin Rohingya Muslim 6,700 vel thah an nia sawi a ni a, hri leng leh raltlan-te an puih \hin avanga pawl hriat hlawh tak, Medecins Sans Frontieres sawi danin, August thlaa thil thlenga thi zat an puan hi a tlem thei ang tura chhut a la ni nghe nge a, thi zingah hian naupang kum nga hnuai lam 730 vel an tel nia an hriat thu leh, hei hi Bangladesh-a Rohingya raltlan chhungkua 2,434 vel an kawmna a\anga an chh<t chhuah niin an sawi a ni. MSF Medical Director, Sidney Wong chuan Rohingya Muslim thi an chhinchhiah zinga a tam zawk chu kah hlum niin a sawi a, za zela 9 chu an chenna ina hal hnan an nih thu leh za zela 5 chu sawisak hlum niin a sawi bawk. Myanmar sorkar chuan buaina chhuah tirha thi zat hi 400 chauh niin a sawi a, an zinga 376 chu a firfiaka che \hin niin a sawi bawk a, mihring dikna leh chanvo palzut zawngin an sipaite hian tharum an thawh lo niin a sawi a ni. MSF chuan, August thla a\ang khan, Rohingya mi 6,47,000 velin himna zawngin Bangladesh an pan tawh niin a sawi a, August ni 25 leh September ni 24 inkarah khan Rohingya mi 9,000 vel chu an thi ngei nia hriat ni mah se, a tlem thei ang bera chh<tin, an zinga 6,700 chu tharum thawhnaa thah ni ngeia hriat an nih thu a sawi. MSF thu puan hi a rintlak hle-a ngaih a nih avangin, Myanmar sipaite ch>t dan hi International Criminal Court-a thlen tlak khawpa nunrawnthlak nia ngai an awm a, mahse Myanmar hian ICC Rome thuthlung a pawm ve loh avangin, ICC thu hnuaiah hian a awm chiah lo nia hriat a ni.