Kar hnih chhung lekin ram chhungah Covid-19 vei an pung chak hle a, he natna hi khawvel ram hrang hrangah mi 45,000-in an thihpui tawh a ni.
Sorkar laipui chuan China, Italy, Iran, Republic of Korea, France, Spain leh Germany-a February ni 15 hnulama zin ram chhung mite chu a tlem berah ni 14 tal khung hran zel an ni dawn tih a sawi. World Health Orgnization chuan coronavirus chu hrileng-ah a puang a, hemi awmzia chu he natna hri hi khawvel pumah a \aidarh tawh tihna a ni. WHO chuan he natna chak taka a darh chu pawi a tih thu a sawi.
Delhi sorkar chuan Covid-19 kai nia inringhlel emaw, tlang hrileng kaite emaw tan control room a siam a, biak pawhna tur phone a dah bawk a ni.
