Coronavirus kai an pun zel avang hian state hrang hrangten inkharkhip chhunzawm an duh tih Prime Minister hnena an thlen hnuah inkharkhip chu pawhsei remtih tlan a ni a, hemi vang hian khualzin phur thlawhnate pawh May ni 3 thleng chawlh chhunzawm tir a ni dawn tih civil aviation ministry chuan a sawi a, Minister, Hardeep Puri chuan May ni 3 a ral hnuah sorkarin ram chhung leh ram pawna thlawk thlawhna khuahkhirh dan chu a ngaihtuah nawn ang tih a sawi.
Hetihlai hian Indian Railways pawhin May ni 3 thleng rel service zawng zawng an chawlh chhunzawm tir dawn a, ticket book-na hmun zawng zawng pawh inkharkhip chhung zawng khar a ni dawn a, ticket lo hauh lawk pawh thu leh awm hma chu a theih dawn loh tih a sawi a, hetihrual hian \ul bik thil leh mamawh zualpui phurtu rel te erawh a pangngaiin an kal ang tih a sawi.
Inkharkhip chhung hian rel 12,000 vel a ding a, coronavirus a len hma khan Indian Railways chuan khualzin phur rel 9,000 leh mail express 3,000 vel nitin a service tir \hin a ni.
