Covid-19-in India ram a chenchilh a\angin hri kai mi 7,745-in an thihpui tawh a, darkar 24 chhungin mi 279 coronavirus vangin an thi a ni. Ram pumah mi maktaduai 5 dawn endik an ni tawh a, India chu khawvela hri kai awm tamna ramah pangnaa a ni mek a ni.
Hetihlai hian ram chhunga hri kai awm tamna ber Maharashtra-ah chuan Health Minister, Rajesh Tope-a’n hri chu khawtlangah a la \aidarh lo tih a sawi a, tun dinhmunah an state chhungah hri kai mi sing 9 vel an awm mek a, Coronavirus lan chhuahna hmun China khawpui Wuhan-a kai zat aiin Maharashtra-a hri kai zat hi an tam tawh zawk a ni.
Tamil Nadu, DMK MLA, J Anbazhagan chu tukin khan Chennai damdawi inah Coronavirus vangin a thi a, kum 61 mi a ni. J Anbazhagan hi ram chhunga Covid-19 vanga legislator thi hmasa ber a ni.
