PHE Dept Mizoram chuan thingtlang hmun hrang hrang tuamin faina beihpui hi an thlak chho mek a, Ministry of Jal Shakti hnuaiah ram chhung state hrang hrangte faina kawnga an dinhmun endik turin tlawmngai pawl hrang hrang leh IPSOS Research Prive Ltd. te rawih an ni a, September thla khan thingtlang khaw fai endik hna thawkin, Mizoram chu ram chhung state leh UT tenau zingah pakhatna a ni.
Faina endik dan hi chi hnih, ram chhunga state leh UT tenau leh State lian-ah te \hen a ni a, mihring nuai 30 chin chunglam chenna chu State liana dah a ni a, nuai 10 hnuailam awmna chu State leh UT tenauvah dah an ni, State leh UT tenau 13 a awm a, chung zingah chuan Mizoram chu pakhatna a ni.
