Ranchi a\anga Delhi pan, Rajdhani Express rel chesual

Jharkhand khawpui, Ranchi a\anga Delhi pana tlan, Rajdhani Express rel chu vawiin khan Minto lei bulah a kawng zawh sualin a chesual a, tukin khan Uttar Pradesh-a Sonbhadra district-ah Jabalpur lam pana tlan, Shaktipunj Express rel pindan pasarih vel a let bawk a, heng chetsualna pahnihah hian thi leh hliam an awm lo ve ve nia thu dawn a ni. Northern Railways thupuangtu, Neeraj Sharma sawi danin, Rajdhani Express rel hi vawiin chawhma dar 11:45 vel khan a chesual a, rel hi tlan muan em vangin hliam an awm lo a, mahse a engine leh a khalh kaltu, power car a chhia a ni. Shaktipunj Express rel hi chu tukin zing dar 6:25 vel khan a chesual nia hriat a ni a, Railways Ministry chuan he chetsualnaah hian thi leh hliam an awm lo tih sawiin, zing dar 7:28 khan rel-a chuang zawng zawngte chuan an kalna tur lam an pan fel vek tawh niin a sawi a, rel lam hotute chuan rel hi darkar khata km 40 vela chakin a tlan nia sawiin, a tlan chak loh avang hian hliam an awm lo niin an sawi. Tun hi thla khat pawh a ral hmaa UP-a rel a chetsual vawi thumna a ni tawh a, puan tawh angin, thla hmasa ni 19-a Muzaffarnagar district-a Utkal Express rel chesualah khan mi 22 vel an thi a, ni 23 khan Auraiya district-ah Kaifat Express rel a lo chesual tawh bawk a ni.