Rashtriya Janata Dal hruaitu, Tejashwi Yadav-a’n inthlanpui awm leh hunah eptu pawl zawng zawng tanrual an tum thu leh Congress President Rahul Gandhi lo pawh PM dinhmun hauh theitu mi eng emaw zat an awm thu a sawi.

Bihar Deputy CM hlui hian PM ni thei tur zingah, West Bengal CM Mamata Banerjee, Andhra Pradesh CM Chandrababu Naidu bakah NCP hotupa, Sharad Pawar leh BSP hruaitu Mayawati te pawh an tel tih a sawi a, eptu party hrang hrangte hi an \hutkhawm hunah thu khat an vuak theih ngei a beisei thu leh, \angruala PM atana an duh chu an party pawhin a thlawp ngei tur thu a sawi bawk a ni. RJD hi Congress thawhpui party lian ber te zing ami a ni a, Yadav bakah hian an party hruaitu hlun, Lalu Prasad te chuan Rahul Gandhi hi an thlawp \hin hle bawk a ni.