Reserve Bank of India-in vawiin khan Rs. 200 note thar a tichhuak ta a, mahse ATM-a dah tur chuan, he tangka note thar hmu dik thei tura a khawl siam fel hmasak a tul avangin, ATM-ah erawh chuan dah nghal theih a ni lo. Vawiinah khan Rs.200 note thar hi Delhi, Mumbai leh Kolkata-a RBI leh bank dang thenkhat branch-ah dah a ni. RBI hotute chuan, ATM-a Rs. 200 note dah tur hian chawlhkar khat emaw vel a la ngai dawn niin an sawi a, ATM chhunga tangka note dahna chu he note thar mil tur hian Engineer-ten an siam a ngai a ni. Delhi, Parliament Street-a RBI Branch-ah chuan cheng 200 note lak chhuah tum, mi tam tak an intlar a, ram chhungah cheng 200 note siam a nih vawi khatna a nih avangin, ngaihven a hlawh hle a ni.
Chanchin Thar RBI-in Rs. 200 note thar tichhuak ta
