He thu hi vawiina MNF Hnam Run inkhawmah sawiin Pu Lalruatkima chuan, tunhmaa kawngchhia avanga lirthei tangkhawm \hin chu tunah chuan kawngchhe siam\hat mek nghaka dingkhawm an lo ni ta zawk niin a sawi a, Kohhran leh khawtlang duh loh zu zawrh titawp nghal turin Cabinet in Dry day puan a rel nghal a, school kai hun pawh mizo khawtlang nun milin Academic Session thar atanga hman \an tura tihdanglam nghal a ni a ti a, eirawngblawna Gas harsa tak \hin pawh kawtkaiah la tur awm lo deuh thaw in sem a ni ta bawk nia sawiin Ration chini pawh AAY a\anga bul\ana sem tura ruahman a ni ta bawk niin a sawi.
Pu Lalruatkima chuan, FCI kudam sawn tura tih chu hmalak mek a nih thu te, hetiang bawk hian Oil Depot pawh IOC lamin a thar siamna hmun tur an dap mek tih te a sawilang a, MNF sorkar chu
ni 72 leka upa ni mahse midang kum engemawzat thawh let tam tak an thawk hman der tawh nia sawiin kum 10 chauh ni lo, kum 20 chuang sorkar turin hmathlir an nei a ni a ti.
Congress leh ZPM chungchang sawiin Pu Lalruatkima chuan, Congress chu MP inthlan kumte a nih avangin an la inhuikhawm thei hram hram niin a sawi a, an party worker te pawhin inthlan zawh hunah an darh huk an rin thu an sawi nia sawiin an awm dan chu hruaitu nei lo ang mai an ni a ti a, Sokar bei hman pawhin an awm lo niin a sawi. ZPM pawh eng pawl nge tih hriat theih loh khawpin an awm niin a sawi a, Pu Lalruatkima chuan kumthar hlimin pisa an in hawn chhawk a, MPC Party President chuan MPC chawinun tumin hma a la, a hetihlai hian ZNP awm tawh lo anga sawi pawh an President-in a sawi bak, a hrana party in a rel a awm lo a ni a ti bawk.
Inkhawm hi an pawl General Secretary Pu C.Tawnvela’n a kaihruai a ni.
