Rohingya Muslim raltlante chungchanga thu tawp neitu chu Supreme Court- Union Home Minister

Union Home Minister, Rajnath Singh-a chuan sorkar laipuiin dan lo-a ram chhunga lut, Rohingya Muslim raltlante thawn let a tum chungchanga thu tawp neitu chu Supreme Court a ni tih a sawi a, hemi chungchangah hian affidavit thehluh a ni tawh tih sawiin, court sang berin thutlukna a siam dawn niin a sawi. Sorkar laipui chuan vawiin khan Rohingya Muslim-te chu dan loa ram chhunga lut an ni tih leh, an awm zui reng chuan ram himna leh muanna pawhin a tuar thei dawn tih Supreme Court chu a hrilh a, court-a affidavit a thehluhah hian sorkar laipui chuan, ram chhunga khawsak leh inbengbel theihna hi ram mipuite chauhin an nei tih sawiin, dan lova ram chhunga lutte chuan hetiang zalenna hi an neih ve a thiang lo tih a sawi. UN hnuaia raltlan chungchang buaipuitu, United Nations High Commission of Refugees-a inziak lut, Rohingya ral tlan pahnih – Mohammad Salimullah leh Mohammad Shaqir-a thu thlen chu court sang ber hian a ngaihtuah mek a, Myanmar ramah hmuhsit leh tihduhdah an nih \hin avang leh buaina leh tharum thawhna thleng avanga India rama rawn tlanchhia nia insawiin, sorkar laipuiin an rama thawn kir a tumna chu mihring dikna leh chanvo palzutna niin an sawi a ni.