Rohingya Muslimte chuanna lawng chesualah mi 12 an thi

Vawiin khan lawng pakhat, Myanmar ram tlanchhiatsan, Rohingya Muslim-te phurtu chu Bay of Bengal-ah a chesual a, naupang 6 telin mi 12 an thi niin Police-ten an sawi. He lawngah hian mi 65 an chuang a, a zatve deuhthaw chu naupang an ni a, Myanmar rama Rakhine state dep, Bangladesh rama Cox’s Bazar district bul a thlenin a let niin police hotu, Sheikh Ashrafuzzaman chuan a sawi. Tualchhung mite chuan ruang 5 an hmuh tawh thu leh, dam chhuak 21 an awm thu an sawi nia thu dawn a ni a, vawiina he vanduaina tel hian Myanmar ram tlanchhiatsan, Rohingya Muslim-te phurtu lawng chetsualnaah mi 184 an thi tawh a ni. Puan tawh angin, August ni 25 a\ang khan Rohingya mi tam takin Myanmar sipaite an hlauh avangin Bangladesh hi an pan a Bangladesh PM, Sheikh Hasina chuan, a sorkarin heng mite hi lo tuam hlawm rih mah se, Myanmar sorkar hian a la kir leh ngei tur a ni tih a sawi.