Sorkar laipui duh dan anga Rashtriya Swasthya Bima Yojana (RSBY) leh Health Care a\anga Medical Reimbursement hmuh duhte tan kumin 2018-19 atan a thara inziah luh leh vek a ngai. Hemi chungchangah hian vawiin khan Lawngtlaia CMO Conference Hall-ah mipuite zirtirna leh thil hrilhfiahna buatsaih a ni a, he inkhawm hi Chief Medical Officer, Dr. Thani Pachuau-in a kaihruai a, RSBY leh Health Care Chief Executive Officer, Dr. Biakthansangi’n RSBY Scheme hman \angkai tumtu zawng zawngte chu a thara inziah luh vek a, thlalak pawh a thara thehluh leh vek tur a ni tih sawiin, inziak lutte chu hriattirna, Intimation slip pek an ni ang a, Intimation Slip nei lo, he scheme zawm duhte chuan a man to zawkin Rs.500/- emaw, Rs.750/- emaw Rs.1,000/- emaw chawiin an inziah luh a ngai dawn niin a sawi a, he scheme tharah hian sorkar hnathawk nghet ni lote pawhin an tu leh fate tana medical reimbursement an bill theih nan he scheme hi an zawm a ngai niin a sawi a ni. RSBY leh Health Care Scheme inhrilhfiahna hi Bungtlang, Sangau leh Chawngte Block-ah neih zui zel a ni ang.
