RSS-in China thil siam boycott duh

Hindu pawl pakhat, Rashtriya Swayamsevak Sangh General Secretary, Suresh Bhaiyyaji Joshi-a’n ram chhungah China thil siam hman tawh loh ni se a duh thu leh, ram chhunga siam thilte chu uar zawka hman ni se a duh thu a sawi a, Indore khawpuia zirna hmunpui pakhata Independence Day lawmnaa he thu hi sawiin RSS hruaitu hian, China-in India ram nekin a huang zauh a tum reng niin a sawi a, ram dang thil siama innghah reng chu ram hmasawnna tithuanawptu a nih avangin, ram chhunga thil siam chauh hman tawh ni se a duh thu a sawi a ni. Joshi-a hian changkanna chu dodal tur a nih loh rualin, ram dang thil siam ringawt ringa khawsak chu a dik lo nia sawiin, zirlaite chu China thil siam hmang tawh lo turin a intiamtir nghal a ni.