He thu hi vawiin a Tuikum bial huam chhunga Tlungvel Group MNF in Sorkar thar lawmna inkhawm an buatsaih a hmanpuinaah sawiin Pu Lalruatkima chuan, Sorkar chu Party bil ta ang a ngaihna awm \hin chu \ha lo a tih thu a sawi a, hetiang rilru pu \hin te pawh in an paih a hun tawh a, a mamawh tak leh dawng awm tak ten sorkar a\anga an chanvo an hmuh ngei a \ul tih sawiin Sorkar-in emaw mimalin emaw miretheite chanvo an chhuhsak chu Pathian pawisawi na a nih avangin fimkhur taka hmalam pana ke pen a pawimawh a ni ti. Pu Lalruatkima chuan, Sorkar chu party bil ta anga ngaihna awm \hin chu \ha lo a tih thu a sawi a, hetiang rilru pu \hin te pawhin an paih a hun tawh tih sawiin Sorkar thar pawh MNF chauh siam a ni lova, inthlan dawnah party boruak lian tak awm mahse sorkar thar a pian hnu chuan inthlan laia boruak awm te dah \hat a \ul tawh tih sawiin Sorkar \ha a awm theih nan Kohhran te nasa takin an \awngtai a tlawmngaipawl ten theihtawp an chhuah tih sawiin sorkar thar hian huapzo sorkar a din chho mek a ni a ti bawk. Pu Lalruatkima chuan, SEDP chu a thlawna sum dawn lam a kawk lova mi taima leh tih tak tak a thawktu mipuite khaichhuahna tur a ni tih sawiin Hnam Martar-te leh hnam sipaite avangin Mizo hnamah nationalism nghet takin a intuh a, Rorelna pakhat hnuaia Zofate awm hun MNF in a nghakhlel hle tih sawiin hemi atan theihtawpin hma a la zel dawn a ni a ti bawk.
Bialtu MLA Pu Lalrinawma Dy Speaker pawhin thusawiin Assembly inthlanpui neih zawh tak a Kohhran te \awngtai nasat ala awm ngai lo nia a hriatthu a sawi a, hemi avang hian sorkar thar chu Kohhran \awngtai chhuah a ni tih hriaa pawm tur leh phuba lak emaw thil dik lo tih a rem lo tih sawiin thuneihna an rui a nih chuan mipuite chu MNF tlak hun nghakhlel an ni mai dawn a ni tih a sawi.
