Russia mi sumdawng hausa, hlemhletnaa inhnamhnawiha hriatte chu an hausak dan sawifiah tir zel theih an ni tawh dawn tih UK Security Minister Ben Wallace chuan a sawi.
Duan lawk, tharum thawhna thleng thin beihletna turin he dan thar hi siam anih thu Ben Wallace hian a sawi a, pound 50,000 chin chung lam hu hausakna nei, an sum neih dan rinhlelh kai te chu thuneituten an sum leh pai man sakin, insawifiah tura hriattir an ni ang a, ramdangmi mi hausa, tharum thawh ching te chuan sorkar an hmachhawn zel tawh dawn a ni a ti.
UK ah hian kumtin Pound tld. 90 vel zet dan kalha vawrh darh a ni thin nia chhut a ni. Dan thar hnuaiah hian sorkar thuneitute chuan sawifiahna mumal tak a awm hma chuan rinhlelhawm taka mi hausa te hausakna an hrensak thei dawn a ni. Security Minister hian an hmalak bul tanna tur pawh an thlang fel tawh tih a sawi.
