Saikhamakawn rama Chekbawk feh kawng, Agrilculture Link Road Kilometre 2-a thui, cheng nuai 20 leh sing 7 senga laih chu vawiin khan Agriculture Minister, Pu KS. Thanga’n a hawng a. Kuthnathawktuten hlawk zawka thlai thar an hralh theih nan an huan panna kawng sial chu a \angkai tih Sorkar-in a hriat thu leh hemi kawngah hian tun aia nasa zawka \an lak zel tum a nih thu a sawi. Pu KS. Thanga chuan, tuna kawng an laih bakah hian zau dangte pawh uluk taka a zirchian a, link road laih zel tum a nih thu a sawi. Vawiina hawn tak Chekbawk Agrilculture Link Road hi loneitu chhungkaw 105 in a chhawr \angkai theih tur a ni a, a kawng a chhengchhiat vang leh kham kara awm a nih avangin lei 2 dawh a ni a, kawng laih nan hian chhungkaw engemawzatin ram an pe a ni. Vawiina Chekbawkkawn Agriculture Link Road hawnna inkhawm hi Aizawl District Agriculture Officer, Pi Zothansiami’n a kaihruaia a, Director, Pu J. Lalzamliana leh thawktu dangte, Chekbawkkawn zauva loneitu chhungkuate leh Saikhamakawn khawtlang hruaitute an tel a ni.
