Sangau Joint Action Committee hruaituten kum 20 chuang function mu mal tawh lo Sangau SDO (C) chungchangah Chief Minister Pu Zoramthanga nimin khan an kawm a, Chief Minister hian Sangau SDO (C) tih changtlunna tur chu SEDP ah dah anih thu a lo hrilh.

Sangau khawtlang hruaitute hnen a\anga thudawn danin Pu Rama hian Mizoram hmasawnna tur tam zawkte chu Budget a dah lovin SEDP hnuaiah dah anih thu a lo hrilh a ni. Sangau khawtlang hruaitute hian nikum lam khan Sangau SDO (C) office chuan a taka hna a thawh theihna turin Chief Minister hnenah dilna an lo thehlut tawh tih an sawi a, Lawngtlai East bialtu MLA Pu H.Biakzaua pawhin nikuma Mizoram Session neihna ah te pawh au chhuah puiin Chief Minister hnenah hian lehkha pawhin alo thlen tawh a ni