Saudi Arabia ram sipaite kaihhruai, \angrual pawl sipaiten Yemen rama Shia helho beitute chuan heng helho-in Saudi Arabia ram lal in kah an tumna missile an kap thla niin an sawi a, he missile hi nimin khan Riyadh khawpui chhim lamah kah nia sawiin, lal ina ram hruaitu \hu khawmte thah an tumna nia hriat a ni. Yemen hel ho, Houthi an tihte chuan Riyadh khawpuia lal in, Yamama Palace an tih hi kah an tum ngei niin an sawi a, King Salman-a hova sorkar mi pawimawhte \hutkhawmna leh, lalin ram dang hotu pawimawhte a dawnsawnna hmun hi kah chhiat an tum niin an sawi. Hel hruaitu, Abdul-Malik al-Houthi chuan an missile neih chu an tipung zel niin a sawi a, United Arab Emirates-a Abu Dhabi pawh kah an tum thu a sawi. November ni 4-ah pawh khan Houthi hel ho hian Riyadh \umhmun an kap a, Saudi thlawhna sipaiten an lo kap thla nia hriat a ni.
Chanchin Thar Saudi Arabia ram lal in kah tum missile kapthla
