Saudi Arabia ramin kum 35 chuang, cinema chhuah a lo khap tawhna chu a hlip dawn a, hei hi lal fapa-in an rama inkhuahkhirhna tam lutuk tihziaawm a tumna te zinga mi a ni a, lal fapa hian Saudi Arabia ram chu Islam ram firfiak leh khirh lutuk ni lo, mipuite pawh an zalen deuh zawkna rama siam a tum thu a sawi. Vawiin khan Culture and Information Ministry chuan, nakkum kum tir lamah chuan man chawia cinema chhuah phalna hi sorkarin a pek a beisei thu a sawi a, cinema chhuah phalna tur hmun pawh hi thlan fel thuai a nih tur thu a sawi. Muslim kal firfiak deuhte chuan cinema hi hnam leh sakhaw tidaltu-ah an ngaih avangin, kum 1980 chho a\ang khan thuneituten an lo khap tawh a ni.
Chanchin Thar Saudi Arabia ramin cinema chhuah khapna hlip dawn
