Mohammed bin Salman hian telephone hmanga white house nen an inbiakna ah he thu hi a sawi a, Saudi Arabia chuan Jamal Khashoggi hi Istanbul-a Saudi Consulate ah thah a ni ngei tih a lo nemnghet tawh a ni. He chanchinbumi hi saudi mi leh sa, US-a awm tawh, Saudi sorkar kalphung sawiseltu langsar tak a ni a, October ni 2 khan thah a ni a, a taksa te pawh an chansawm vek nia sawi a ni a, a ruang pawh hmuh a la ni ta lo a ni. A nupui hual Hatice Cengiz chuan Khashoggi thattute hi zawng chhuaka hrem an nih theih nan khawvel ram dang hruaitute \anpuina a ngen a ni. Khashoggi thih an chungchangah hian thu chiang a la awm thei ta chuang lo a, a nupui hual Hatice Cengiz nena an inneih theihna turin lehkhapawimawh buaipuiin Istanbul-a Saudi consulate hi a dawr a, hetah hian thah a ni ta a, Turkey ram chanchinbute chuan Consulate a luh rual hian rek hlumin, ruahmanna lo siam lawk tawh angin a taksa te chu an chan darh nghal vek niin an tarlang.
Ram hrang hrangin he tualthahna hi an dem rawn a, Saudi Arabia lungrualpui ramte pawhin sawifiah an phut a, US President Trump-a pawhin he thihna thlen dan Saudi Arabia in a sawifiah dan chu a lungawithlak tawk lo hle tih a sawi.
