“Ka Chite lui, ka ram rohlu, ka humhalh ang’ tih thupuia hmangin Mizoram Legislative Assembly Annexe Conference Hall-ah he ni hi hman a ni a. A hmanpuitu Dy Speaker Pu R. Lalrinawma chuan Chite Lui chhanchhuah hna thawk turin a tlai hman \ep a, tih loh ai chuan tlai pawh a \ha zawk tih angin \hahnem ngai taka hmalak anih loh chuan Chite Lui chu Mizo hnamin a chan hlen thei mai dawn a ni a ti. Mizoram Legislative Assembly-in Chite Lui Act a pawm hnuah Chite Lui kam tuak meter 50 chhunga leivung leh bawlhhlawh paihtute chu dan hmanga na taka hrem theih an ni tawh tih Dy Speaker chuan a sawi bawk.
Thusawitu dang AMC Mayor Pu P. C. Lalhmingthanga chuan tui tel lovin mihring a dam theih loh a, lui leh tuihnate humhalh chu mahni nunna humhalhna a ni a ti. Miss Mizoram 2018 T. Ramthanmawii kaihhruaiin Chite Lui humhalh turin kalkhawmten thu an tiam bawk.
United Nations-in kum 13 liam ta kum 2005-a Water for Life Decade bul a tan ruala khawvel puma hman \an World Rivers Day hi kumtin September Pathianni hnuhnung bera hman \hin a ni a, Mizoramah chuan kumin hi hman anih \um khatna a ni.
