School Education Minister Pu Lalchhandama Ralte in Mizoramah zirna a tlahniam hle a, Zirna In leh compound te thildanga hman atan khawtlangin an it deuh mai zel chu rilru puthmang thlak a \ul a, Khawtlangin neitu thinlung pua humhalh a \ul zawk a ni a ti.

Govt. Chalrang Middle School kum 50 tlinna, Golden Jubilee vawiina lawmna inkhawmah Pu Chhantea hian thu a sawi a, Mizoram sorkar-in ngaih pawimawh 3 a nei a, chungte chu zirna, hriselna leh kawngpui \ha te a ni a ti a. Kawngpui \ha tak tak awm se, hriselna \ha nei mah ila, zirna a tlukchhiat chuan hmasawnna a tluantling lo a ni a ti a. Sorkarin zirna siam\hatna turin zirtirtu tihchak a ngai tih a hria a, zirna in tla bal tawhte pawh a tah tawlin thawm\hat hna thawh tum a ni a ti a, zir dan kalphung curriculum te pawh a \ul anga siam\hat zui tum a ni a ti bawk.