MSCPCR hi an chairperson Pi Sangzuali Vanchhawng leh Member Dr. Julie Remsangpuii Fambawl ten an ho a, TNT-a thawktute leh naupangte nen Poshan Mah puala hun hmangin, chaw \ha ei pawimawhna te, taksa tana \ha eitur pai tam chi thlai leh thei chanchinte, a chakna ti chhe lova chawhmeh leh eitur dang buatsaih dan te, thisen tlak chham avanga harsatna thleng \hin pumpelh theih dan tur te, faina leh thianghlimna ngaih pawimawh a \ul thu te, taksa leh ei leh in tur siamna hmun vawnfai dan te, zunram thiarna hmun fai taka enkawl dan tur te thawktute nen an inhrilhfiah nghal a ni.
National Family Health Survey-4 in a tarlan danin India rama naupang kum 5 chin hnuailamte zingah zaa 38.4 te chu an kum mil tawk aiin an hniam a, zaa 21 te chu an san zawng mil tawk aiin an buk a zang a, zaa 36 te chu buk zang lutuk underweight an ni. Hetiang harsatna naupangten an tawh chhan hi an taksa mamawh tawk chaw \ha an ei loh vang a ni. Mizoram bikah pawh an kum mil tawk aia hniam, \hang chak lo naupang zaa 28 an awm a, zaa 6.10 te chu an san zawng mil tawk aiin an buk a hniam bakah zaa 11.90 te chu buk zang lutuk underweight an ni.
Hetiang hi India ram dinhmun a la nih avangin, naupang, tleirawl leh nu naupai leh nausen pawmte’n an taksa mamawh khawp chaw \ha an hmuh theihna tura central sorkar beihpui thlakna Poshan Abhiyaan hnuaiah September thla chhung hian Poshan Mah tia vuahin, chaw \ha ei pawimawh zia inzirtirna beipui thlak chhoh mek a ni a, Anganwadi Centre ang chi te kaltlangin chaw \ha leh damdawi te a thlawna sem chhuah \hin a ni a, a kaihhnawih sorkar kutke hrang hrangin Poshan Mah pual hian mipuite zirtirna beihpui an thlak mek a ni.
