Shah Jahan-a khan Jaipur lalte ramah Taj Mahal a sa- Subramanian Swamy

Thlan in hmingthang leh ropui tak, Taj Mahal chungchanga titi a tam laiin BJP hruaitu pakhat, Subramanian Swamy chuan he thlan in hi Mughal lal, Shah Jahan-a khan Jaipur lalte ram, dik lo taka a laksakah a sa niin a sawi ve leh ta a, hemi chungchang sawina lehkha pawh a nei niin a sawi. Shah Jahan-a khan Taj mahal sakna ram hi a neitu, Jaipur lalte chu tihluihna-in a leisak a, zangna dawm nan thingtlang khaw 40 a pe a, a ram hlutna nena ngaihtuah chuan he zangnadawmna hi eng tham mah a ni lo, a ti a, tun hma chuan Taj Mahal dinna hmunah hian Hindu temple a ding \hin niin a lang a, mahse Taj Mahal hi temple tichhiaa sak a nih leh nih loh chu a hriat theih tawh loh niin a sawi bawk. Subramanian Swamy chuan, BJP hian Taj Mahal hi tihchhiat tumna a nei lo na a, Muslim lal hovin temple sang tam tak an tihchhiat te zinga 3 chauh tun din leh an ph<t niin a sawi a, hengte hi Ayodhya-a Ram temple, Mathura-a Krishna temple leh Varanasi-a Kashi Vishwanath nia sawiin, hengte hi tun din leh a nih chuan, Muslim lal hovin Hindu temple an tihchhiat dang 40,000 vel chungchang chu sawi zui kher pawh an tum lo niin a sawi bawk.