Dr. John L Sailo, Shillong, Meghalaya chu April 15 zing dar 2:45 khan a thi a, kum 69 a ni.
Dr. John L Sailo hi thawhtanni (April 13) khan Covid-19 a kai tih hmuhchhuah a ni a, amah hi zunthlum vanga in enkawl lai a ni a, Covid-19 a vei hnuah a dinhmun hi a tha lo zual ta a ni. Amah hi Meghalaya-in Covid-19 positive an neih hmasak ber a ni.
Dr. John L Sailo hi Captain Lalrinthanga Sailo leh Diki Sailo te fa a ni a, Shillong-a Bethany Hospital dintu leh neitu a ni a, Bethany Hospital hi luh leh chhuah khap a ni tawh a, March ni 22 leh a hnu lama he damdawiin tlawhtu zawng zawng chu state sorkarin a zawng nghal a, nimin thleng khan sample 90 lak a ni tawh a ni.
