Shiv Sena-in BJP thawhpui loh a rel

Shiv Sena-in nakkuma Parliament inthlanpui leh Maharashtra Assembly inthlanah BJP thawhpui loh a rel. Shiv Sena hi BJP thawhpui hlun ber, inkawp nghet tlat anga ngaih a ni \hin a, mahse vawiin khan an pawl hruaitute, Mumbai-a \hu khawm chuan, nakkuma inthlan pawimawh chi hnihah mahni-a din an rel ta a ni. Pawl pahnih hi tunah pawh sorkar laipui leh Maharashtra sorkarah an thawk dun a, an thawh dun mekna hi tihtawp nghal erawh chu an rel tel lo a, Maharashtra sorkar hi chhuahsan sela chuan, Devendra Fadnavis-a kaihhruai sorkar hi a tla nghal thei a ni. Shiv Sena hruaitu, Sanjay Raut chuan an party national executive \hutkhawm zawhah, nakkuma Parliament inthlanpui leh Maharashtra Assembly inthlana mahni-a din hi lungrual takin an rel tih a puang a, he \hukhawm naah hian an pawl hruaitu, Udhav Thackeray-a fapa, Aditya Thackeray, kum 27 mi chu an party national executive member atan dah a ni bawk. Uddhav Thackeray hi an pawl President atan thlan nawn nghal a ni a, state tinah Hindutva tung ding tura inthlan chuh zel tura a intiam thu a puang a ni. Sanjay Raut-a chuan kum thum kal ta chhunga Shiv Sena tibuai zawnga khawsa rengah BJP chu a puh a, pawl pahnih hi kum 1989 a\ang khan thawk dun tawh mah se, kum 2014 Lok Sabha inthlanpuia BJP-in Shiv Sena aia Maharashtra-a bial an lak tam zawk a\ang khan an inkarah engemaw a tam zual a, a hnuah state Assembly inthlanah BJP hi party mala seat la tam ber a nih zui leh bawk avangin, Shiv Sena hian a ngaimawh zual a, tun hma zawnga he state-a pawl lian zawk ni \hin, BJP-in a lehpel ta nia lang hi Sena hruaitute hian an pawm thei lo a ni. An state assembly inthlan lai velah pawh khan an in\hen teuh hle a, a tawpah chuan Shiv Sena hian BJP kaihhruai sorkara tel chu a remti ve leh ta a, mahse an thawh dunna tihtawpah a vau deuh reng a ni. Sorkar laipuiah Minister, an phu ang z^t nei lova inngaiin Sena hi an vui reng bawk a, PM, Narendra Modi leh Maharashtra CM, Devendra Fadnavis pawh an sawisel zing telh telh a, an pawl chanchinbu, Saamna editorial hmangte-in heng thil hi an puangzar fo a ni.