Siang lui hnarah tui kawng thar sial a tum nia sawi China-in pha

Arunachal Pradesh-a Siang lui hnar lamah China-in tui kawng thar sial a tum nia sawi chu thu dik lo niin China Foreign Ministry thupuangtu, Lu Kang-a’n a sawi a, ram pahnih inrina lai vela China sorkar ngaihdan chu a la ngai reng tih a sawi bawk. Puan tawh angin tun hnaiah Siang lui leh a zawm, Brahmaputra lui tui chu a chhan hriat loha a dum bakah bawlhhlawh nawi a tam hle a, cement nawi leh thir nawi te pawh a tel niin mi thiamte chuan an sawi a, hei hi China-in tuikhuah emaw, lui tui lak penna tur tui kawng a sial vang emaw nia sawi a ni a, hemi chungchangah hian Lui Kang-a chuan, India-in ngaihdan dik lo a neih an duh loh thu leh, tuikhuah emaw, tui kawng thar emaw sial tumna a awm loh thu a sawi a, October thla pawh khan China hian tui kawng tur lei verh a tum nia sawi chu a lo pha tawh bawk a ni. Siang lui hi Tibet a\anga lo luang lut a ni a, Assam leh Bangladesh-ah a luang tlang a, nikum lam khan China chuan Siang lui hnar lamah hian tui khuah a tum thu a lo sawi tawh a ni.