Thusawiin Minister chuan Mizote chin \han tlangram Lo neih avangin thlai tana chaw \ha ram leilung hang leh \ha lai te chu nasa takin a luangral tawh a, sik leh sa danglam nasat avangin ramin ruahtui a dawn dan te pawh danglam phah bawk tih sawiin, hei hian tui hnar \henkhatte chu a ti kangchat ta fo a ni a ti.
Pu C. Lalrinsanga chuan, Mizoten lo an neih dan nghet tlat tawh, tlangram lo neih ti bo chuang lova ram leilung \hatna bo tur veng chung sia loneituten hlawk zawka lo an neih theihna turin FOCUS chu din a ni tih a sawi. Pu C. Lalrinsanga chuan, Project thar kalpuitu tura hnathawktu lak thar te chu neitu thinlungpu chunga an thawh a ngai dawn tih a sawi a, an hna chu hlawh lakna atan chauha an hmang a nih chuan an hma hun zel atan a \ha lo thei dawn tih sawiin, Mizoram leh Mizo mipui, a bik takin, loneitute \anpuitu an ni tih inhre reng turin a chah a ni.
Internationa Fund for Agriculture Development hnuaiah FOCUS Project hi Mizoram leh Nagaland-ah chauh kalpui a ni rih a, Mizorama hman nan hian nikum kumtir a\ang khan inbuatsaihna kalpui \an a ni a, he project atan hian Cheng vaibelchhe 539 leh nuai 27 chuang ruahman a ni a, Mizoram-ah chuan District 4-a RD Block 11 huam chhunga khaw 272-a chhungkaw 64,500 a tuam dawn a ni.
He inkhawmah hian MLA pathum, Dr. ZR Thiamsanga, Pu Lalrinsanga Ralte leh Pu Ramthanmawia bakah Chief Secretary, Pu Lalnunmawia Chuaungo leh mi pawimawh dangte an tel a ni.
