Sorkar kum thar, 2020-21 atana sorkar inrelbawlna tur, revenue deficit grant thawh khatna, cheng vbc vbc 118 nuai 50 chu nimin khan central sorkarin Mizoram sorkar hnenah pe chhuak a, hemi rual hian hrileng mek doletna tura State Disaster Risk Manaement Fund Mizoramin a dawn tur cheng vbc 23 nuai 50 pawh pek chhuah a ni.

Revenue Deficit Grant hi central sorkar chuan State hrang hrang 13 tan a pe chhuak a, sum pek chhuah hi a vaiin cheng vbc 6157 nuai 75 a ni a, Mizoram chan tur, cheng vbc 118 nuai 50 hi sorkar inrelbawlna atana sum mamawh nena enin a tam lo hle a, sorkarin sum renchemna tura na zawka inhrekna tur a siam a nih pawhin hriatthiam a \ul dawn tih Mizoram University, Economics Dept-a Asst Prof. Dr James LT Thanga chuan Zonet zawhna chhangin a sawi.