South Africa-a lawng suamhmang ten ni 73 chhung zet an ruk bo, Himachal Pradesh mi 3 te chu chhuah an nih hnuah an chenna in an thleng a, an khaw mipuiten hlim takin an lo lawm. Sushil Kumar, Pankaj Kumar leh Ajay Kumar te hi sumdawng lawnga thawk an ni a, Ajay Kumara sawi danin, January ni 25 khan Sourth Africa an thleng a, a \hian dang pahnih te bakah South Africa mi 11 te chu oil la tura lawnga an chhuan laiin lawng suamhmangte hian beiin an man a. suamhmangte hian South Africa mi te hi chhuahin, an \hian ho pathum chu ramhnuaiah an tawmbo pui ta a ni. Suamhmangte hian darkar 24 chhung uluk takin an veng reng a, an chhungte leh an thawhna company te satellite phone hmangin an biak tir fo a, chaw atan ni khatah maggie bawm khat, a changin bawm hnih te an pe a \hin a ni.
External Affairs Minister Sushma Swaraj i chuan April ni 11 khan heng mi pathumte chhuah an nih thu hi tweeter kaltlangin a sawi a, chhuah an nih theihna tura Indian High commissioner BN Reddy hmalakna chu lawmawm a tih thu a sawi.
