South Africa-ah sakeibaknei kah ruk ching nia hriat sakeibakneiin seh hlum

South Africa Kruger National Park bulah sakeibaknei kah ruk ching nia hriat mi pakhat chu sakeibaknei-in a sehhlum tih South Africa Police ten an sawi. Sakeibaknei hian a mi seh hi a ei zo deuh vek a, a taksa bung thenkhat chu Park bul hnaiah hian chhar a ni. Limpopo Police thupuangtu Moatshe Ngoepe in AFP a hrilh danin, sakeibaknei hian a lu leh taksa tlem te tih loh a dang zawng chu a ei zo vek a ni. Sakeibaknei seh hlum tak hi tunge a nih tih Police te chuan an chhui zui mek a, a ruang bulah hian rifle leh a mu thahnem tak an chhar a ni. Limpopo bialah hian hun engemawchen kalta atang khan sakeibaknei kah ruk ching hi an pung chho nasa hle a, sakeibaknei sa hi Africa ram chhung leh pawn lamah te damdawi chikhat atana hralh thin a ni a, pawl pakhat, Born Free Foundation sawi dan chuan sakeibaknei ruh leh a sa te hi Asia chhim chhak lam ramah te a hralh a kal hle a ni. Nikum January thla pawh khan Limpopo ah hian sakeibaknei thahnem tak hrai hlum a ni a, a hrai hlumtute hian an tin leh an lu te an la a ni.