South Korea sorkar aiawh te North Korea atangin an ramah kir leh

South Korea sorkar aiawh, North Korea-a zinte chu vawiin khan an ram-ah an kir leh. Puan tawh angin ram palaite hi nimin khan North Korea-ah an ram hruaitu lu ber Kim Jong-Un chuan a lo mikhual a, hei hi ro a rel hnu-a South Korea palai a kawm hmasak ber tum a ni a, palai zingah hian South Korea National Security Director Chung Eui-yong pawh a tel a ni. Palai-te hian chanchinthar lakhawmtute an la kawm duh rih loh avangin an zin chhunga an thusawi-te hriat theih a la ni lo a, vawiin khan Chui Eui-yong hian an ram President, Moon Jae-In hnenah report a pek nghal beisei a ni a, North Korea lamin thlalak a tarchhuah-ah chuan Kim Jong-Un hian palaite hi chibaiin a lo lawm a, a nui hmel thla hmuh tur a awm nual avangin, mi thenkhat chuan rilru inhawng leh hlim takin palai-te hi Kim hian a lo dawngsawng-ah an ngaih thu an sawi a ni.