Sri Lanka-a sakhuana vanga buaina la reh lo, Emergency puang

Sri Lanka rama Buddhist leh Muslim-te inkara buaina chhuakin ziaawm lam a la pan thei lo a, vawiin khan an ram sorkarin Emergency a puang. Puan tawh angin he’ng sakhaw pahnih zuitutte hi an inngeih lo hle a, nikum kum laihawl vel atang khan an inkar boruak a chhe zual hle a, Buddhist sakhaw la vungtu thenkhatin puithiamte’n Muslim-ah mi an inlehluih tir thina an puh avang leh Buddhist hmun thianghlim-te an tibawrhbang nia an sawi avangin tunhnaiah tharum thawh zawngin an intibuai a, nimin leh vawiin lamah te pawh Kandy district velah an inbei nasa hle a, muslim dawr-te pawh hal a nih avangin, Sri Lanka sorkar chuan sipai leh police thahnem tak a tir lut a, Special Cabinet Meeting-in Emergency puan hi a titlu nghal tih sorkar thupuangtu, Dayasiri Jayasekara chuan a sawi a ni.