Sri Lanka-ah Buddhist sakhaw puithiamte leh mipui engemaw zatin UN hmuna Rohingya Muslim raltlante an bei. Colombo police-te chuan Rohingya raltlan, mi 30 vel chu ven him an ngaih avangin police-ten an kawl tih an sawi a, heng mite hi naupang 14, hmeichhia leh mipa 7 ve ve an nih thu leh, April thla khan dan loa an ram luh an tum avangin lawng sipaiten an lo man tawh tih an sawi a, court thuneituten UN hmunah hian awm rih tura an tih vanga awm an nih thu an sawi bawk. Sri Lanka-a pawl pakhat, Sinhala National Movement chuan Rohingya mite chu Myanmar-a Buddhist sakhaw betute that \hintu, mi firfiak an nih avangin, an rama awmah an duh loh thu leh, Myanmar-a thawn let dan tur, a rang thei ang bera ngaihtuah tura an ram sorkar an phut thu an sawi a ni.
Chanchin Thar Sri Lanka-ah Rohingya raltlante’n beih tawk
