An thil hlan hi Rs.11,94,000 man a ni a, Health Minister Dr R Lalthangliana hian, covid 19 vei thar hmuh belh zel a nih avangin PPE mamawhna a sang chho hle tih a sawi a, ZMC laboratory-a hman tur, Automated RNA Extractor khawl an chah chu naktuk lamah ZMC ah bunfel theih beisei a nih thu leh bunfel a nih hunah sample tam zawk endik theih a nih tur thu a sawi.
Thilpek hlantu SBI Regional Manager Pu L.P. Lalchangkima chuan PPE hi SBI foundation kaltlang pek a nih thu a sawi a, CSR sum hmanga ventilator leh thil dang Mizoram sorkar tana leisakna tur cheng vbc 1 leh nuai 30 hu chu an hmunpui lamah an dil leh mek tih a sawi.
