Health Minister hian State pawn atanga rawn haw turte khunghran chu fimkhur taka kalpui a tul tih a sawi a, lo haw turte chu inkaihhruaina dan engkim uluk taka zawm turin a chah a ni. Dr. Thangtea hian, Kolkatta a Mizo covid vei an hmuh zinga pakhat zawk chu test vawi hnih an tih hnuah a negetive tih a sawi a, pakhat zawk pawh a dinhmun a tha tih a sawi a, hri leng mek do kawngah sorkarin Kohhran, NGO leh mipuite thlawpna a hmu tha hle tih a sawi a, mipuite chu kawng engkimah fimkhur a, social distancing te, hmai tuamna hman te, kutsil uar te leh khawlaia chil chhak loh te ngaipawimawh zel turin a chah a ni.
Sorkar mipawimawhte thukhawm hian COVID-19 leng mekah nunphung pangngaia khawsak theih dan kawng awm theite an sawiho a, mipui zirtirna atan Police-in kawtthler fangin mipuite hriattur puangzar thin se an ti a; Kohhran Hall te chu inkhung hran lailawkna atan hman a rem em tih Kohhran hruaitute dawr rawtna an sawiho a, Mahni ina inkhung hrang turte vilzui dan tur an sawiho bawk.
Thutkhawmnaah hian Chief Secretary Pu lalnunmawia Chuaungo, Home Secretary, Health Secretary leh mipawimawh dangte an tel a ni.
