SRHF-ZMC Covid-19 bulletin-a tarlan danin, damlo hi ICU ah enkawl chhunzawm zel a ni a, a harh tha a, chaw tuiril lam a ei thei zel a, a aw a chhang deuh tih loh chu khawsik pawh a nei tawh lo a ni.
Mizoramin Covid-19 kai a neih chhun, kum 50 mi hi March ni 24 zan khan hri leng a kai tih finfiah a ni a, hemi zan la la hian Falkawn damdawiinah hian dahluh nghal a ni a, a natna a lo nasat hman tawh avangin thawkna lamah harsatna a nei a, ventilator hmangin ni 22 chhung thawktir anih hnuah, April ni 14 chhun dar 12 khan ventilator hi phawi a ni a, oxygen pangngai pek chhunzawm a ni. Vawiin hi Damdawiin a luh a\anga a ni 31-na a ni.
Falkawn Covid-19 testing laboratory a sample test tawh zawng zawng chu a result a la negative zel a, vawiin lamah sample test tura lak a awm lo a, covid-19 kai ni thei awma rinhlelh, admit pawh an awm lo a ni.
