Congress chuan schedule caste leh scheduled tribe miten an a thawh tur sorkar hna dah sak chu an dikna chanvo neih leh ram danpuiah pawh dah chungnun zinga tel a ni an ti a, BJP sorkarah Schedule Caste leh Schedule Tribe te dikna chanvo chu a him lo hle tih sawiin, SC leh ST te sorkar hnathawh chu sorkarin ama thu thu-in a tidanglam thei lo va, ram danpuiin fundamental rights a pek angin a kalpui tur a ni a ti.
BJP thawhpui Lok Janshakti Party pawhin Court thutlukna chu a pawmpui lo tih a sawi bawk a, LJP chuan sorkar laipui chu ram danpui anga kal turin a ngiat a ni.
Uttarakhand sorkar hnuaia Public Work Dept.-a Assistant Engineer (Civil) hna chu Scheduled Tribe/Scheduled Tribe te tan dah ni se tih chu Supreme Court chuan fundamental rights-ah SC/ST te tana hauh phalna a awm loh thu sawiin, states te tan quota inzuah sak turin a intihluih theih loh tih a sawi a ni.
