Heng chhungkua ten Forest Rights Act, 2006 hnuaia ramhnuai-a an chanpual ram an hauhna chu Supreme Court chuan hnawlin, ram danpui kalh a ni a ti a. He dan hi tribal mi hmasang a\anga ramhnuai-a cheng tawhte dikna leh chanvo humhalhna, ram hnuaia an chanpual humhim sakna a ni a, sorkarin a kalpui \hat loh avangin tribal mite’n ram hnuai-a an chanpual an hauh chuan sawisel a hlawh nasa hle, kum 2016 khan heng tribal ten ram an hauh zaa 40 chauh pawmsak a ni a, he dan avang hian ramngaw \hiah a tam nia sawiin ramngaw humhalh lama mi \hahnemngaite chuan court ah an khing let a ni.
Supreme Court thupek hi kalpui a nih chuan India rama mirethei ber ber leh mahni inveng thei lo tribal te dinhmun a derthawng dawn a ni. Sorkar laipui chuan heng mi te venghima humhalh an nih theihnan hma a lak tur thu a sawi.
