Mizorama sem tur hian dal matric ton 466.2 chu Mizoram panpui mek a nih thu leh a thlen veleh retailer te kaltlanga sem a nih tur thu minister hian a sawi.
Pu Rintea hian, ration buhfai quota pangngai April thla quota chu March thla tawp a\ang khan AAY leh PHH te hnenah a thlawna sem \an a nih thu a sawi a, hemi atan hian LESDE sum hman a ni a ti a, AAY leh PHH te bakah APL Card holder zingah chhungkaw harsa zual Task Force ten lehkha an siam sakte pawh buhfai hi a thlawna pek an nih thu a sawi.
Prime Minister special package, AAY leh PHH chhungkua, member pakhat zela buhfai KG 5 zel, a thlawna pek tur chu tun thla tawp lamah April leh May quota pek hman beisei a nih thu Supply Minister hian a sawi a, buhfai sem tur hi rel a\anga phurchhuah mek a ni a ti.
Mipui kharkhipna thupek kenkawh mek nimahse, eirawngbawlna Gas ah harsatna lutuk Mizoramin a tawk rih lo tih Supply Minister hian a sawi a, tuialhthei chhek khawl dinhmun pawh a \ha a, mipui kharkhipna thupek dinglai avangin nitina hman \hin chu zaa 40 velin a thlahniam a ni a ti a, inkharkhip pawhsei a nih pawhin harsatna lutuk a thlen a rinawm loh a ni a ti.
