Kum 2 kalta khan Taiwan Supreme Court chuan mahni anpuite inneih khapna chuan ram rorelna dan a kalh a ni tiin sorkar chu kum 2019, May 24 hmaa dan dinglai ti danglama hma la turin a hriattir a, Ningani, International Day Against Homophobia, Transphobia and Biphobia ni-ah he Dan chungcchangah hian vote lak a ni a, mahni anpui kawpte dikna leh chanvo humhalhtu pawl te, Gay Rights group leh a thlawptute chu sorkar thuchhuah nghakin parliament pawnah an pungkhawm a, MP te chuan he dan hi an pass ta a ni.
Taiwan Alliance to Promote Civil Partnership Rights te chuan Clause Four hnuaiah hian May 24 a\ang hian mi pahnih, neih inang te chuan innei turin an hming an ziaklut \an thei dawn tih an sawi. Gay Rights group te chuan sorkar rorel danah an lawm thu an sawi a, he dan thar hnuaiah hian mipa leh hmeichhe innei te nen inangkhata en an nih theih nan hmasawnna nasa tak a thlen dawn a ni an ti. He dan hnuaiah hian sorkar chuan mahni anpui innei te’n fa an lak theih tur leh tur loh an ngaihtuah bawk a, an chhung hnaivai te fa chu an lak an phalsak a ni. Gay Rights group te chuan fa lak chungchanga tun dinhmuna sorkar thutlukna chu an pawm theih thu sawiin, hun lo kal zel turah chhungkhat laina hnai ni lo te pawh fa atana an lak theih nana dan hmanga nawr an tum thu an sawi.
Kum 10 kalta a\ang khan Taiwan hi mahni anpui kawpte dikna leh chanvo chungchangah Asia khawmualpuia hma la nasa ber a ni a, kum tina neih \hin, gay pride parade lawmna pui ber an huaihawt \hin bawk a ni.
