Taliban mi firfiakten nimina Afghanistan ram chhung hmun hrang hranga pawi an khawihnaa thi chu mi 69 an tling tawh a, an zingah hian police hotu pakhat pawh a tel a, hliam tam tak an awm bawk. Pawi khawihna lian ber chu Paktia province khawpui, Gardez-a police headquarters beh chhana din, police training centre-ah a ni a, hetah hian Taliban mi pahnihin car-a an bomb phurh an tihpuah b^kah an \hianten silai an hmet puak bawk a, Police 21 an thi a, an zingah hian Paktia province police hotu pawh a tel a, mi dang 48 an hliam bawk niin Police hotuten an sawi. He thil thlengah hian civil mi pawh 20 an thi a, mi dang 110 an hliam niin Interior Ministry chuan a sawi a, mi firfiak 5 chu sipaiten an kap hlum nia hriat a ni. Nimin vek khan Ghazni province-ah pawh mi firfiakte hian Governor office bulah car bomb an tipuak bawk a, sorkar sipai 15 an thi a, mi dang 12 an hliam a, civil mi 13 an thi bawk. Taliban ho chuan sipai 31 an thah b^kah mi dang 21 an hliam niin an sawi a, Farah leh Kandahar province-ah te pawh sorkar hmun pawimawhte an bei niin an sawi bawk.
Chanchin Thar Taliban mi firfiak pawlte pawi khawih vanga Afghanistan-a thi zat mi 69...
